ﻓـ ﻳﻮﻡ ﻣﻦ ﺍلأﻳﺎﻡ في ﺣﺪ إدﺍلى 5 ﺟﻨﻴﻪ ﻣﻘﻄﻌﺔ وقديمة ، ﺍﻟﻠﻪ ﻳﺴﺎﻣﺤﻪ ﺍللى ﻟﺒّﺴﻬﺎلى بقا
ﺣﺎﻭﻟﺖ ﺃﺧﻠﺺ ﻣﻨﻬﺎ ﻛﺘﻴﺮ ﻭﻣﻌﺮﻓﺘﺶ ، ﻛُﻞ ﻣﺎ ﺃﻗﻒ ﻋﻨﺪ محل ﺃﺟﻴﺐ ﺣﺎﺟﺔ ﺍللى ﻭﺍﻗﻒ ﻳﻘﻮلى " ﺷﻮفلى 5 ﺟﻨﻴﻪ ﻏﻴﺮ ﺩى "
ﻛُﻞ ﻣﺎ ﺃﺭﻛﺐ ﻣﻴﻜﺮﻭﺑﺎﺹ ﺃﺷﺪ ﻣﻊ ﺍﻟﺴﻮﺍﻕ ﻭﺃﺿﻄﺮ ﺃﻓﻚ 100 ﺟﻨﻴﻪ ﻋﺸﺎﻥ ﺃﺟﺮﺓ 3 ﺟﻨﻴﻪ ﻭﻻ 2 ﺟﻨﻴﻪ ونص
ﺍﻗﺘﻨﻌﺖ ﺇنى ﺧﻼﺹ ﻣﺶ ﻫﻌﺮﻑ ﺃﺧﻠﺺ ﻣﻨﻬﺎ ، ﻭﺑﻄﻠﺖ ﺃﺣﺎﻭﻝ ﺃﺻﺮﻓﻬﺎ ، ﻓﻀﻠﺖ ﺷﺎﻳﻠﻬﺎ فـ ﺍﻟﻤﺤﻔﻈﺔ ﻭﺃﻧﺎ ﻣﺶ ﻣﻌﺘﺒﺮﻫﺎ ﻓﻠﻮﺱ ، ﻣُﺠﺮﺩ ﻭﺭﻗﺔ فـ ﺍﻟﻤﺤﻔﻈﺔ ﻭﺧﻼﺹ
عمرها ﻣﺎحسستنى ﺇﻥ محفظتى ﻓﺎﺿﻴﺔ
ﺣﺘﻰ ﻟﻮ ﻓﻠﻮسى ﻛُﻠﻬﺎ ﺧﻠﺼﺖ ﻛُﻨﺖ ﺩﺍيماً ﻫﻼقى ﺍلـ 5 ﺟﻨﻴﻪ ﺍﻟﻘﺪﻳﻤﺔ ﺑﺘﺎعتى ﻗﺎﻋﺪﺓ ﺟﻮﻩ ﻭﻣﺮﺑﻌﺔ
ﻟﺤﺪ ﻣﺎ ﻣﻦ ﻓﺘﺮﺓ ﻛُﻨﺖ ﻣﻌﺪّى ﻋﻠﻰ محل ، ﺻﺎﺣﺒﻪ ﻭﺍﺣﺪ ﻣﻌﺮﻓﺔ ، ﻭﻛﺎﻥ نفسى ﻑـ ﻛﻴﺲ شيبسى ﺃﺑﻮ 5 ﺟﻨﻴﻪ ومش معايا غير 200 جنيه وال 5 جنيه دي وانا بطلع فلوس احسبه
ﺿﺮﺏ ﻋﻴﻨﻪ فـ ﺍﻟﻤﺤﻔﻈﺔ ﺷﺎﻑ ﺍلـ 5 ﺟﻨﻴﻪ ﺑﺘﺎعتى ، ﻗﺎلى " ﻣﺎ ﺍﻧﺖ ﻣﻌﺎﻙ ٥ ﺟﻨﻴﻪ ﺃهى بدل ال 200 جنيه ﻣﺎﺗﺠﻴﺒﻬﺎ " ، ﻃﻠﻌﺘﻬﺎ ﻭﺭﻳﺘﻬﺎﻟﻪ ﻭﻗولتله " ﻣﺶ ﻫﺘﻨﻔﻌﻚ ﺩى ﺧﺎﻟﺺ ﺻﺪقنى
ﻟﻘﻴﺘﻪ ﺭﺍﺡ ﺿﺎﺣﻚ ﻭﻗﺎلى "ﻫﺎﺗﻬﺎ ﻭﻣﻠﻜﺶ ﺩﻋﻮﺓ " ..
" ﻭﻫﻮ ﺑﻴﻤﺪ ﺇﻳﺪﻩ ﻋﺸﺎﻥ ﻳﺎﺧﺪﻫﺎ لقيتنى فـ ﺭﺩ ﻓﻌﻞ ﻏﺮﻳﺐ منى ﺑﺮﺟﻊ ﺇﻳﺪى ﻟﻮﺭﺍ ﻭﺑﺘﺒّﺖ ع 5 ﺟﻨﻴﻪ فـ ﺇﻳﺪﻱ ﺃﻛﺘﺮ !!
ﺍﺳﺘﻐﺮﺑﺖ ﺭﺩ فعلى ﺩه ﺃﻭى ،!
ﻣﺶ ﺩﻱ ﺍلـ ٥ ﺟﻨﻴﻪ ﺍللى ﻛُﻨﺖ ﻫﻤﻮﺕ ﻭﺃﺧﻠﺺ ﻣﻨﻬﺎ ؟!
ﻣﺶ ﺩﻱ ﺍلـ ٥ ﺟﻨﻴﻪ ﺍﻟﻤﻘﻄﻌﺔ ﺍﻟﻤﻠﺰﻗﺔ ﺍللى ﺣﺎﻟﺘﻬﺎ ﺑﺎﻟﺒﻼ ؟!
ﻟﻴﻪ مش ﻫﺎﻳﻦ ﻋﻠﻴّﺎ ﺇنى ﺃﺩﻳﻬﺎﻟﻪ ﺃﻭى ﻛﺪﻩ ؟!
ﻟﻴﻪ ﺣﺎﺳﺲ ﺇنى ﻣﺶ ﻋﺎﻳﺰ ﺃﺩﻳﻬﺎﻟﻪ !!
ﺍﺳﺘﻌﺒﻄﺖ نفسى ﺃﻭى فـ ﻟﺤﻈﺘﻬﺎ ، ﻭﺍﺑﺘﺴﻤﺖ ﻭﺍﺩﻳﺘﻬﺎﻟﻪ ﻭﺧﺪﺕ ﻛﻴﺲ ﺍلشيبسى ﻭﻣﺸﻴﺖ ، ﺗﺎﻧﻲ ﻳﻮﻡ ﻭﺃﻧﺎ ﻧﺎﺯﻝ ﺑﻔﺘﺢ ﺍﻟﻤﺤﻔﻈﺔ ﻋﺸﺎﻥ ﺃﺣﻂ ﻓﻴﻬﺎ فلوس ﻣﻠﻘﺘﺶ ﺍلـ 5 ﺟﻨﻴﻪ اديقت اووي من تفسي!!
ﺻﺪقينى ﺃﻧﺎ ﻋﺎﺭﻑ ﺇﻥ ﺇﺣﻨﺎ ﻣﺶ ﻣُﻨﺎﺳﺒﻴﻦ ﻟﺒﻌﺾ ﻋﻴﻮﺑﻚ ﻛﺘﻴﺮ ﻭﻋﻴﻮبى ﺃﻛﺘﺮ ﻭﻣﻜﻨﺎﺵ ﻣﺴﺘﺤﻤﻠﻴﻦ ﺑﻌﺾ ﺃﺳﺎساً بس انا حبيت وجودك معايا اووي ومش هاين عليا اسيبك لحد غيري خالص !!
ﺑﺲ ﺩﻩ ﻣﻴﻤﻨﻌﺶ ﺇنى ﻛُﻞ ﻓﺘﺮﺓ ﺑﻔﺘﺢ .." محفظتى " ﻭﺃﺩﻭّﺭ ﻋﻠﻴها ﺟﻮﺍﻫﺎ
ﻣُﻤﻜﻦ ﺃﻛﻮﻥ ﺍﺗﺨﻠﻴﺖ عنها يوم وده غصب عني!
حقيقى عايزها معايا ﺑﺲ ﺩﻩ ﻣﻴﻤﻨﻌﺶ ﺇنها ﺑﺘﻮحشنى
ﻭﺇنى ﻣﻦ حقى ﺃﺣﻦ ﻛُﻞ يوم وافتكرها
ﻭﺇنى حقيقى نفسى مطمن وهي معايا!
فجأه لقيت نفسى بجرى على ( صاحب المحل)
وبسأله عنها
ضحك وطلعهالى من الدرج وقالى
تقريباً محدش عارف قيمتها غيرك
وكإن الكل مش عايز يقتنع بيها عشان ترجعلك
* علاقتنا ببعض الناس فـ حياتنا شبيهه بالعلاقة دى
- فى ناس فـ حياتنا محدش بيعرف قيمتهم غيرنا
ومهما اتعاملوا مع الناس التانية مش هيلاقوا حد بيحبهم زينا ولا محتاجنهم زينا ولا هيبقوا معاهم زينا ...👌
