اتعلمت اننا لازم نتعلم من أخطاء غيرنا ومش
لازم نكون اغبيه ونقع في الاخطاء علشان نتعلم ،العمر مافيهوش ١٠٠ سنه نتعلم فيها كل حاجة
- اتعلمت ان الحب مش بيفتح بيوت . وللأسف كلام الكباار طلع صح . وإن حصل وفتح فـ مش ضروري الحب يحافظ عليه ، وان فيه حاجات كتير اهم من الحب زي الاحترام المتبادل والمودة والرحمة والتقدير ودول الي بيفتحوا بيوت ..
وإن قوة العلاقه لا تقاس ببدايتها وان مشاعرك مش دايما آخرتها صح وإن" خالف هواك ترشد " من اصدق العبارات للتعامل مع النفس ..
- اتعلمت ان محدش هيخاف علينا ولا هايهمه مصلحتنا غير نفسنا ، وإن لو صدقت نوايا الاصدقاء فـ مش دايما هيصيبوا .
- اتعلمت ان المجتمع للأسف أقوى مننا . وان الكبار خبراتهم تفوق خبراتنا وإن الجواز مش كل حاجة وان متطلبات الحياه مش fairly tales ممكن نهرب منها
والفارس اللي على حصانه الابيض مش هاييجي ، وان جه فـ هو بني آدم زيي زيه مش سوبر مان وراجل عادي مش"prince charming" وانه ماتخلقش علشان يحققلي كل احلامي واني لو ماشتغلتش علشان احقق احلامي فانا ماستحقهاش وان حقي لو ضيعته من ايدي محدش هايجيبوهولي وان " اخذ الحق صنعة "
- اتعلمت ان الوحدة صعبة والعالم وحش والناس قذرة بس للاسف منقدرش نعيش من غيرهم و ان قيمك ومبادئك احياناً كلام على ورق ، وتبعاً لفقه الاولويات و ال "survival" فأحياناً اصلا قيمتك ومبادئك ملهمش قيمة حقيقة حتي، وان عدو عاقل خير مية مرة من صديق جاهل .
- اتعلمت ان الكل مؤمن حتي تأتي العاهرة وان محدش كبير ع الفتنه وستر ربنا مخبي وشوش ناس كتير وان طالما لسا ماتحطتش تحت الاختبار فانت ماتعرفش حاجة
وان جملة "الشدة بتبين " من اصدق العبارات للتعامل مع الناس .
- اتعلمت اننا أبعد ما يكون عن جو الافلام المسلسلات وان الحب بتاعهم "بتاع افلام ومسلسلات وبس"
وان القصص اللي كانت بتأثر فينا وبتخلينا عيونا تتدمع بقينا نقراها ونقول ايه الهبل و السذاجة دي
وان العشم في اللي بتحبهم مش حلو ،وان العتاب بيكون على قد المحبة مش على قد الغلط
اتعلمت ان لما كان عندي ١٦ سنه كنت فعلاً عيلة ، واني لسا ماكبرتش بما فيه الكفاية رغم اني استوعبت حجم مسؤلياتي واهمية حرصي عليها
- واهم حاجة اتعلمتها ان كلنا فترات في حياة بعض وان محدش باقي لـ حد وإن "احبب حبيبك هوناً ما " دا قانون بيسري غصب عننا رغم الوعود والاتفاقات والخطط وصدق النوايا بس فـ الآخر هتتفاجئ ان كل دا اتبخر ..
- اتعلمت اني ماديش الناس اكبر من قيمتها عشان الحقيقه ال كلنا مش بنستوعبها غير لما نقع فيها اني الناس دى هيخذلوك بالقوي وهيدوسو عليك .
*اتعلمت ان "what' goes around ,comes back around" وداين تُدان
وحط في اولوياتك انك تعمل الخير ومتفكرش ابداً في المُقابل.
* احنا كبرنا يا امي وإدراكنا للمحيط اصبح مختلف وان اللي اتكسر مابيتصلحش للأسف
وان فيه ناس عمرنا ما هانقدر ننساهم وفيه ناس عمرنا ما هنقدر نسامحهم .
وان حبيبك يبلعلك الزلط وان اللي بيروح مش هايلاقي مكانه فاضي لما يرجع .
- اتعلمت ان احساس الفقد الحقيقي بنحسه لما يموت عزيز ، غير كدا لاء وان هو الحقيقة المطلقة الوحيده ولازم نعمل للحظة دي .
كل سنة وانا طيبة 👸
